ჩვენი კომპანია ჯერ საკმაოდ ახალგაზრდაა, თუმცა დიდი გეგმები და ჯანსაღი ამბიციები გვაქვს. 2022-2023 წლისთვის ჩვენი გუნდი სამშენებლო მოცულობის 300%-იან ზრდას გეგმავს. მშენებლობას ვაწარმოებთ უმაღლესი სტანდარტების დაცვით, რაც ნიშნავს იმას, რომ ჩვენი სამშენებლო ობიექტები კონსტრუქციული და სეისმური მდგრადობით გამოირჩევა. კომპანიის თითოეული მიმდინარე თუ სამომავლო პროექტი დახვეწილი ექსტერიერით, ეფექტური შიდა დაგეგმარებით და გამორჩეული ლოკაციით მომხმარებლის კომფორტზეა გათვლილი. ჩვენი ფასეულობაც სწორედ ასეთია, რომ შევქმნათ მხოლოდ მაღალი ხარისხის პროდუქტი და ეს სტანდარტი ქართულ ბაზარზე დავამკვიდროთ. ვაპირებთ, აღებული გეზი და ტემპი არ დავკარგოთ, გავალამაზოთ ჩვენი ქალაქი ქართული არქიტექტურული შენობებით და გარკვეული წვლილი შევიტანოთ თბილისის ურბანულ განვითარებაში. გვინდა, ძველ თბილისს ახალი სიცოცხლე მივანიჭოთ და შევქმნათ მომხმარებლის სურვილებსა და საჭიროებებზე ორიენტირებული სერვისი. გვაქვს ჯანსაღი ამბიცია, რომ რამდენიმე წელიწადში ბევრად გავზრდით მასშტაბებს და არა მხოლოდ ქართულ, არამედ უცხოურ ბაზარზეც შევძლებთ დადებითი ტენდენციების შექმნას.

ბექა ხოფერია

დამფუძნებელი